أجمل ما كتب عن مصروالغربه

هذه الصفحة هى مجموعة كلمات..

عن مصر ..والغربة

من اروع م كتب عن الغربة...


______________________________________________


واحنا فايتين ع الحدود
مستمرين فى الصعود
إختفى النيل الجميل من تحتنا
والمدن والريف وأول عمرنا
وابتدى شئ ينجرح جوه الوجود
وابتدينا أسئلة مالهاش ردود
ميلنا ع الشباك نخبى دمعة فرت مننا
ميلنا ع الشباك نخبى دمعة فرت مننا
بصة م الشباك
على البحر البعيد
واحنا رايحين بالامال عالم جديد
كنت فاكر يامصر انى تعبت منك
واكتشفت انى محال استغنى عنك
حتى دوشة صوت جيرانى
والزحام وحشونى تانى
بسمة حلوة لطفلة لسه صغيرة
لما كنت أديها حته سكرة
قبل ما نسيبك وحشتينا يا مصر يا أمنا
قبل ما نسيبك وحشتينا يا مصر يا أمنا
وابتدى شئ ينجرح جوه الوجود
وابتدينا أسئلة مالهاش ردود
ميلنا ع الشباك نخبى دمعة فرت مننا
ميلنا ع الشباك نخبى دمعة فرت مننا
كنت باتذكر .. وانا فى غاية الاسى
لعبنا الكورة فى حوش المدرسة
والشقاوة وأحنا لسه صغيرين
والبراءة والصحاب الطيبين
لما سألتنى اللى جنبى
أنت مصرى ؟؟!! دق قلبى
أسم زى السحر رفرف ع المكان
زى نسمة مهفهفة بصوت الادان
أيوه مصريين لاخر كل نقطة فى دمنا
أيوه مصريين لاخر كل نقطة فى دمنا
وابتدى شئ ينجرح جوه الوجود
وابتدينا أسئلة مالهاش ردود
ميلنا ع الشباك نخبى دمعة فرت مننا
ميلنا ع الشباك نخبى دمعة فرت مننا
الوجوه من تلج .. وعيون من أزاز
شوقى زاد للعشرة والناس العزاز
وابتديت أكتب وأنا فوق السحاب
أبتديت يا أبويا فى أول جواب
مصر أنتى حته منى
مش مجرد أسم وطنى
قالوا فاضل نص ساعة ع الوصول
قولت ايه معنى الساعات و الفصول
إلا فى الارض اللى فيها زكرياتنا وحبنا
إلا فى الارض اللى فيها زكرياتنا وحبنا
وابتدى شئ ينجرح جوه الوجود
وابتدينا أسئلة مالهاش ردود
ميلنا ع الشباك نخبى دمعة فرت مننا
ميلنا ع الشباك نخبى دمعة فرت مننا